Savoy

რესტორანს დიდი ისტორია აქვს — მან კარები პირველად ჯერ კიდევ 1912 წელს გახსნა.

აქ ყველაფერი არტეფაქტებითა და ლეგენდებით არის სავსე: შესასვლელთან მდგარი სალამანდრიდან და „მაიაკოვსკის ლოჟიდან“ ვრუბელის შადრევნამდე და ვენეციური სარკეებამდე.

მდიდრული, როკოკოს სტილის ინტერიერი დღემდე არ კარგავს აქტუალობას და პარიზის ქუჩების ძველ Grand Café-ებს მოგვაგონებს, ამავდროულად კი მიშლენის რესტორნებს, მაგალითად Plaza Athenee-ს. ჭერის მხატვრობა, ვენეციური სარკეები, ვერსალის სასახლეების სტილის ლეპნინა, მრავალსართულიანი შადრევანი — ისტორია შენარჩუნებულია და ჰარმონიულად შერწყმულია თანამედროვე დეტალებთან. მარია ჟუკოვას (Maria Zhukova) საარქიტექტურო ბიურომ სივრცეს კიდევ მეტი ელეგანტურობა შესძინა ავეჯის, ფენოვანი მსუბუქი ფორმებისა და განათების საშუალებით.

განახლებული რესტორნის სამზარეულოზე პასუხისმგებელნი არიან ბრენდ-შეფი დმიტრი რეშეტნიკოვი (Dmitry Reshetnikov; Mon Chouchou და Zazazu) და შეფ-მზარეული მაქსიმ ერშოვი (Maksim Ershov; ex-GRACE bistro). მენიუში — კლასიკური რუსულ-ფრანგული სამზარეულო საავტორო ინტერპრეტაციითა და უჩვეულო მიწოდებით. ხიზილოპიანი ბლინი აქ პეპელად იქცევა, ხახვის სუპს საქონლის მკერდზე გარნირად სთავაზობენ, ხოლო ფუა-გრას ტერინს მოროშკას ჟელეს უმატებენ. კერძებს შორის არის ლეგენდარული სტრასბურგული ღვეზელი pate en croute, შებოლილი მკერდით მომზადებული მჟავე შჩი და მარმარილოსებრი საქონლის ხორცისა და თეთრი სოკოს პელმენები. კოქტეილების ბარათის ავტორია ვლადიმერ ჟურავლევი (Vladimir Zhuravlev), კოქტეილების ისტორიის მკვლევარი და საზოგადოება Bartender Brothers-ის თანადამფუძნებელი. თითოეულ კოქტეილს თავისი საინტერესო ლეგენდა აქვს, რომელსაც ბარმენები და ოფიციანტები გიამბობენ.