Zhuravli

„Zhuravli" რუსული კოქტეილბარია, რომელიც ბარის ენთუზიასტმა პიოტრ ბარიშნიკოვმა (Pyotr Baryshnikov; ex. Delicatessen, Rick's bar&bistro) თავის მეგობრებთან ერთად შექმნა.

პროექტის კონცეფცია თითქმის მთლიანად ასახავს ადგილობრივ მოტივებს, თუმცა თანამედროვე ტრადიციებით.

გარდა იმისა, რომ მმართველებმა ყურადღება ადგილობრივ მწარმოებლებსა და სეზონურ პროდუქციაზე გაამახვილეს, აქ საპონიც კი რუსულია. მიმტანების ფორმა ჭინჭრისგანაა შესრულებული. ჭერზე ბროლის ჭაღები კიდია. პირველ დარბაზში სტუმრების წინაშეა ბარის დახლი, სადაც ბარმენები კოქტეილებს ურევენ. მეორეში ატმოსფერო უფრო პირადულია: დაბალი განათება, პატარა მაგიდები, რბილი ავეჯი და გამორჩეული დეტალი — არფა. Zhuravli ხმაურიანი წვეულებების ადგილი კი არა, უფრო წყნარი საღამოების ადგილია, როცა უბრალოდ საქმეებისგან გაფანტვა გინდა.

კოქტეილბარის მენიუ მკაცრად სეზონურია, ამიტომ თუ რომელიმე სასმელი მოგეწონათ, სავარაუდოდ, ერთ თვეში შეიძლება გაქრეს კიდეც. ბარის მენიუში ლიქიორები, ვერმუტი, ალაოს არაყია თავმოყრილი. თითოეული სასმელი აქ ახალი კენკრის, ხილისა და ბოსტნეულის საფუძველზე მზადდება. ასევე მწვანილსა და სანელებლებს უმატებენ. რაც შეეხება საკვებს, აქცენტი ადგილობრივი პროექტებისა და მწარმოებლების მხარდაჭერაზეა გაკეთებული. კერძები ნატურალური, „სუფთა" პროდუქტებისგან მზადდება, რომლებსაც ადგილობრივი ფერმერები, მებაღეები, მეღვინეები და დისტილერები აწვდიან.